Shavkat Mirziyoyev Uttar-Pradesh shtatida sodir bo‘lgan fojia oqibatida ko‘plab insonlar halok bo‘lgani va jarohat olgani munosabati bilan Hindiston prezidenti Draupadi Murmu va bosh vaziri Narendra Modiga taʼziya yo‘lladi. Bu haqda prezident matbuot kotibi xabar berdi.
Davlat rahbari qurbonlarning oila aʼzolari va yaqinlariga chuqur hamdardlik izhor etib, jarohatlanganlar tez fursatda sog‘ayib ketishini tiladi, — deyiladi xabarda.
Hindistonning Uttar-Pradesh shtatidagi diniy marosim chog‘ida yuz bergan tiqilinch sababli kamida 107 kishi halok bo‘ldi. Halok bo‘lganlarning aksariyati ayollardir. Omon qolganlardan biriga ko‘ra, tiqilinch voiz Bhole Babaning murojaatidan keyin boshlangan. Tashqarida yo‘lni to‘sib qo‘ygan mashina ham bo‘lgan.
Izoh (0)