Покистон терроризмга қарши курашишга қаратилган янги ҳарбий операция доирасида Афғонистон ҳудудига тўғридан-тўғри ҳужумларни давом эттиради. Бу ҳақда Покистон мудофаа вазири Хавафа Осиф берган баёнотга асосланиб, BBC нашри хабар берди.
Покистон мудофаа вазирига кўра, Исломободнинг Афғонистонга ҳаво зарбалари Покистон хавфсизлик кучлари ва тинч аҳолини нишонга олишда айблаган гуруҳларга қаратилган. Ҳарбийлар қўшни мамлакатдаги тинч аҳоли вакилларига битта ҳам ўқ узмаган ҳамда ҳукумат томонидан максимал кескинликдан тийилишга чақирилган.
Покистон расмийлари Афғонистон жануби-шарқидаги “Таҳрики Толибон” ва бошқа гуруҳларни терактлар ташкил этишда айблаган. Ўз мамлакати чегаралари хавфсизлигини таъминлаш учун Афғонистон чегарабўйи ҳудудларига ҳужумлар ташкил этган.
“Афғонистонда амалиётлар ўтказганимиз тўғри ва буни давом эттирамиз. Биз уларни торт ва пишириқлар билан сийламаймиз. Ҳужум қилиндими, биз ҳам жавоб қайтарамиз”, — деган Покистон мудофаа вазири BBC Урду нашрига берган интервьюсида.
Покистон расмийси ,шунингдек, қўшни давлатга зарбалар қонунийлигига ҳеч қандай шубҳа бўлиши мумкин эмаслигини таъкидлаган. Покистон ўз ҳарбий ҳужум режалари ҳақидаги ҳеч кимга, ҳатто Афғонистонга ҳам огоҳлантириш беришга мажбур эмаслиги айтилган.
“Бу нарса ҳужум муваффақиятини йўққа чиқаради. Ахир нега биз уларга ътайёр бўлинглар, биз келяпмизъ деб огоҳлантириш беришимиз керак?”, — деган Хавафа Осиф.
“Толибон” Покистон вазирининг сўнгги баёнотини “масъулиятсизлик” деб таъкидлаб, Покистонни трансчегаравий ҳужумларнинг хавфли оқибатларидан огоҳлантирган. Исломобод эса “Толибон” ўз мамлакати ичидаги терроризмга қарши кураша олмаётгани боис, Исломобод ишларига аралашишга ҳақли эмаслигини билдирган.
Изоҳ (0)