Бухоро шаҳрида кўп қаватли уйларни қуриш билан шуғулланиб келган “Ҳума Азия” МЧЖ раҳбарига нисбатан жиноят иши қўзғатилди. Бу ҳақда Бухоро вилояти ИИБ ахборот хизмати хабар берди.
Қайд этилишича, “Ҳумо Азия” МЧЖ раҳбари Жамшид Каримов томонидан қурилаётган кўп қаватли уйларда содир этилган қонунбузилиш ҳолатлари юзасидан Жиноят кодексининг 168-моддаси (фирибгарлик) 4-қисми “а” банди ва 229-моддаси (ўзбошимчалик) 1-қисми билан жиноят иши қўзғатилган.
Айбланувчи томонидан Бухоро шаҳрининг Ислом Каримов ҳамда Садриддин Айний кўчаларида қурилаётган кўп қаватли уйларни сотиб олиш учун шартнома имзолаган ва тергов органи томонидан бугунги кунга қадар тегишли тартибда жабрланувчи сифатида эътироф этилмаган фуқаролар зудлик билан Бухоро шаҳар ИИО ФМБ ҳузуридаги Тергов бўлимига мурожаат қилиш сўралади.
Мурожаат учун телефон: (65) 222-59-00, (91) 244-40-40, (91) 401-07-02.
Эслатиб ўтамиз, 2023 йилда Тошкент шаҳри Мирзо Улуғбек туманида янги қурилган кўп қаватли уй ичидан дарз кетгани ҳақида хабар берилганди. Қурилиш вазирлиги ушбу бино кўп квартирали уй-жой сифатида қурилиш меъёр ва талаблари асосида қурилмаганини маълум қилган. Ҳолат юзасидан жиноят иши қўзғатилган эди.
Изоҳ (0)