“Тахтлар ўйини”да бош қаҳрамон кимлигини сўрасангиз, мухлислар ё иккига бўлинади ёки шунчаки жавоб бера олмайди. Ижодкорлар ҳам бу борада баъзи қийинчиликларга дуч келишди.
Якуний мавсумга келиб, продюсерлар ҳар бир эпизод учун 1,2 миллион доллар олган бешта етакчи актёрни ажратишди. Бироқ улардан фақат биттаси учун гонорар дақиқасига 69 минг долларни ташкил қилган.
Гап Эмилия Кларк (Дейнерис Тайргариен), Питер Динклаж (Тирион Ланнистер), Кит Харингтон (Жон Сноу), Николай Костер-Валдау (Жейми Ланнистер) ва Лина Хиди (Серсей Ланнистер) ҳақида кетмоқда.
Улар орасида Лина Хиди бутун бошли фильмда атиги 25 дақиқа экранда кўринган, бу эса уни суратга олиш гуруҳи ичида энг кўп гонорар олган актрисага айлантирган.
Қизиғи шундаки, Хиди шундай катта гонорарга қарамай фильмдан ҳафсаласи пир бўлган. Актрисанинг сўзларига кўра, у ўз қаҳрамони учун янада қизиқарли ва таъсирчан ўлимни хоҳлаганди.
Шу билан бир қаторда, София Тёрнер (Санса), Мейси Уильямс (Аря) ва Айзек Хемпстед-Райт (Брен) ҳар бир эпизод учун 253 минг доллардан олган.
Асосий бешлик билан солиштирганда, бу миқдор жуда оз кўринади, аммо танқидчилар ва ҳатто кўплаб мухлислар актёрларнинг шахсиятидаги фарқни таъкидлашган.
Шу ерда ҳам Starkларга нисбатан адолатсизлик қилинган: Эддард ролини ўйнаган Шон Бинга 9 та эпизод учун атиги 120 минг доллар тўланган.
Изоҳ (0)