Олий даражадаги Ўзбекистон—Мўғулистон музокаралари якунлангач, Кўксарой қароргоҳида дарахт экиш маросими бўлиб ўтди. Бу ҳақда Президент матбуот хизмати хабар берди.
Президентлар Шавкат Мирзиёев ва Ухнаагийн Хурельсух халқлар ўртасидаги дўстлик ва ҳамкорлик, икки томонлама муносабатлар тарихида янги саҳифа очишга бўлган ўзаро интилиш рамзи сифатида Фахрий меҳмонлар хиёбонида дарахт экди.
Аввалроқ Ўзбекистон президенти Шавкат Мирзиёев ва Мўғулистон президенти Ухнаагийн Хурельсух ўртасида музокаралар ўтказилгани, қатор икки ҳужжатлар имзолангани ҳақида хабар берилганди.
Давлат раҳбарлари, шунингдек, икки мамлакат ишбилармонлари билан учрашув ўтказган.
Изоҳ (0)