Тошкент шаҳар Юнусобод туманида табиий газдан ноқонуний фойдаланган иссиқхона аниқланди, деб хабар беради Бош прокуратура ҳузуридаги департамент.
Қайд этилишича, департаментнинг Юнусобод туман бўлими томонидан “Ҳудудгаз пойтахт” газ таъминоти филиали ходимлари билан ҳамкорликда терговга қадар текширув ўтказилган. Текширувда фуқаро Ш.Б ва бошқалар “Ҳасанбой” МФЙ ҳудудида тижорат мақсадида ташкил этган иссиқхонани резина шланг ёрдамида умумий фойдаланишдаги газ тармоғига яширинча улаб, жами 590,7 миллион сўмлик табиий газни ўғирлагани аниқланган.
Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкент вилоятида 618,4 миллион сўмлик табиий газдан ноқонуний фойдаланган иссиқхона аниқлангани, Самарқандда 1 миллиард сўмлик табиий газдан ноқонуний фойдаланган иккита иссиқхона фош бўлгани тўғрисида хабар берилганди.
Изоҳ (0)