Россия жиноятда айбланаётган ва гумон қилинаётганларни Украинага қарши урушга юборишни режалаштирмоқда, чунки Россия қамоқхоналаридаги маҳкумлар сони аллақачон тугамоқда. Бу ҳақда Украина Миллий қаршилик маркази хабар берди.
Марказ маълумотларига кўра, Россия Тергов қўмитаси ва Мудофаа вазирлиги раҳбарияти армия сафини тўлдириш учун яна бир схемани амалга оширишга киришган. Эндиликда айбланувчи ва гумонланувчилар жиноят ишини “реабилитация асослари” билан тугатиш эвазига Мудофаа вазирлиги билан шартнома имзолаши мумкин.
Шунингдек, полиция маъмурий назорат остида бўлган одамларга урушга боришни “таклиф қилади”. Хавфсизлик ходимлари таклифлар сони ва имзоланган шартномалар тўғрисида раҳбариятга ҳисобот бериши лозим.
Бундай схема аллақачон Россиянинг барча ҳудудларида, шу жумладан, Украинанинг вақтинча босиб олинган ҳудудларида ҳам йўлга қўйилгани таъкидланган.
“Айнан украиналиклар бундай янгиликнинг биринчи қурбонлари бўлди. Россияда маҳбуслар тугаб бораётгани сабабли, гумондорлар ишга туширилмоқда. Айтиш керакки, улар судсиз Украинада йўқ қилинишига маҳкумдир”, — дейилади Миллий қаршилик маркази хабарида.
Изоҳ (0)