“Уйда ёлғиз” комедиясида бош қаҳрамон Кевин Маккаллистернинг оиласи яшаган уй ўз харидорини топди. Бу ҳақда “Правила жизни” нашри хабар берди.
Чикаго чеккасидаги Виннетка қишлоғида жойлашган қарийб 850 метр квадрат майдонга эга икки қаватли ғиштин уй 5,25 миллион долларга баҳоланган эди.
Уй сотилиши ҳақидаги эълон 24 май куни чиқди, 31 майда эса хабарнинг категорияси “эҳтимол сотилади”га ўзгартирилди. 9 июнь куни харидор уйни тўлиқ сотиб олишга қарор қилди.
Ҳозирча уй олди-сотдиси ҳақидаги шартнома ҳужжатлари оммага эълон қилинмаган. Шунингдек, битимнинг аниқ суммаси ва харидорнинг шахси ошкор этилмаган.
Маккаллистерлар уйи 1990 йилдаги фильм муваффақиятидан кейин иккинчи марта сотувга қўйилган. 2012 йилда уй 1,58 миллион долларга сотилган. Харидор топилишига бир йил вақт кетган.
Кўчмас мулк иккита меҳмонхона, бешта ётоқхона ва олтита ювиниш хонасидан иборат. Уйнинг интерери фильмдаги хонадондан анча йироқ, чунки унинг эгалари 2018 йилда уйни тўлиқ замонавий таъмирдан чиқарган.
Изоҳ (0)