Россия кучлари 12 июнь куни Украинадаги Кривой Рог шаҳрига зарба бериши оқибатида камида 9 киши ҳалок бўлди, 29 киши жароҳатланди. Бу ҳақда Тhе Kyiv Independent нашри хабар берди.
Чоршанба куни Россия Днепропетровск вилояти марказидаги Кривой Рог шаҳрига ракета зарбалари йўллаган. Украина Бош прокуратураси хабарни тасдиқлаган.
Жароҳатланганларнинг беш нафари болалар эканлиги хабар берилган. Улар чуқур жароҳатлар билан касалхонага жойлаштирилган.
Ҳужумда қўлланган ракета ва қурбонлар шахси ҳақида қўшимча маълумотлар ҳозирча ошкор этилмаган. Расмийлар ҳудудда текширув давом этаётганини билдирган.
“Полиция Россиянинг навбатдаги ҳарбий жиноятини ҳужжатлаштирмоқда”, — дейилган Украина ички ишлар вазири Игор Клименко баёнотида.
Днепропетровск вилояти губернатори Сергей Лисак Кривой Рогда асосан турар жой биноларига ракета ҳужуми содир этилганини айтган. Келгусидаги ҳужумларга қарши туриш учун вилоят раҳбари шаҳарда ҳаво ҳужумига қарши мудофаа иншоотлари қурилиши ҳақида маълум қилган.
“Ҳалок бўлганларнинг оила аъзолари ва яқинларига ҳамдардлик билдираман”, — деган президент Владимир Зеленский ҳодиса юзасидан муносабат билдириб.
Изоҳ (0)