Европа Иттифоқининг Люксембургдаги Адлия суди Будапештнинг бошпана изловчиларга нисбатан сиёсати туфайли Венгрияга нисбатан молиявий санкциялар жорий қилди.
Ҳужжатда айтилишича, Венгрия Европа Иттифоқининг бошпана бериш бўйича умумий қоидаларига амал қилмагани учун мамлакат 200 миллион евро жарима тўлаши керак. Бундан ташқари, 13 июндан бошлаб Будапештдан ЕИ Адлия судининг 2020 йил декабрдаги қарорини бажариш кечиктирилган ҳар бир кун учун бир миллион евро ундирилиши керак.
ЕИ судининг қарорида Еврокомиссия шикоятига кўра, Венгрия муҳожирларни қонуний ҳимоясини таъминламасдан, уларни транзит зоналарда ушлаб туриш орқали Сербия ҳудудига қайтариб юбораётгани назарда тутилган.
Европа комиссиясининг фикрича, Венгрия 2020 йилги қарорга ҳали ҳам амал қилмаган ва шунинг учун молиявий санкциялар қўллаш учун янги ҳуқуқбузарлик даъвоси билан мурожаат қилди, — дея эслаган Европа Иттифоқи суди.
Суд қарорига кўра, Будапештнинг бошпана сиёсати шафқатсиз ва Европа Иттифоқи қонунларининг мутлақо янги ва ўта жиддий бузилиши бўлиб, бу ҳам хусусий шахсларга, хусусан, бошпана изловчиларга ҳамда жамоат манфаатларига таъсир қилади. Судьяларга кўра, Венгрия қочқинлар учун молиявий жавобгарликни бошқа ЕИ мамлакатларига ўтказади. Бу эса бирдамликнинг асосий тамойилига жиддий таҳдид солади.
Изоҳ (0)