Ўзбекистон U-23 терма жамоаси Мали U-23 термасига мағлуб бўлди

Футбол бўйича Ўзбекистон U-23 терма жамоаси 10 июнь, душанба куни Малига қарши ўртоқлик ўйинида иштирок этди.

Учрашувнинг биринчи бўлимида дарвозалар ишғол этилмади.

Иккинчи бўлим бошида эса Мали ҳисобни очди. Диарра Тиамоко ўз номини таблога ёздириб қўйди. 58-дақиқада Ҳусайн Норчаев ҳисобни тенглаштирди. Ўйин охирида эса Мали футболчилари пенальти ишлаб олди. 89-дақиқада Уилсон Ласса пенальтини аниқ амалга оширди.

Қайд этиб ўтиш жоиз, ўша дақиқаларда Жасур Жалолиддинов қизил карточка олиб, майдонни тарк этди.

Учрашув 2:1 ҳисобида Малининг ғалабаси билан якунланди. 

Терма жамоалар 7 июнда ҳам ўртоқлик ўйинида иштирок этганди. Ушбу ўйинда 1:1 ҳисоби қайд этилган.

Ўртоқлик ўйини

10 июнь, душанба

Ўзбекистон U-23 – Мали U-23 1:2

Голлар: Тиамоко 48’, Норчаев 58’, Ласса 89’.

Ўзбекистон U-23: 12. Владимир Назаров, 2. Саидазамат Мирсаидов, 6. Иброҳимҳалил Йўлдошев, 10. Жасурбек Жалолиддинов, 11. Отабек Жўрақўзиев, 15. Умарали Раҳмоналиев, 16. Асадбек Раҳимжонов, 18. Алибек Давронов, 19. Ҳусайн Норчаев, 22. Алишер Одилов, 23. Абдурауф Бўриев.