Нидерландия терма жамоаси ва “Бавария” ҳимоячиси Маттейс де Лигт Евро—2024 арафасида турмуш қурди. Бу ҳақда футболчи ижтимоий тармоқларда маълум қилди.
Нидерландиялик футболчининг турмуш ўртоғи модел Аннеки Моленаар ҳисобланади, тўй ҳам келиннинг қишлоғида бўлиб ўтди. Хабарларга кўра, эр-хотин келажакда Тосканада катта “италянча тўй” ўтказишни режалаштирмоқда.
Нидерландия терма жамоаси матбуот хизмати 2024 йилги Европа чемпионати учун эълон қилган терма жамоанинг якуний таркибидан де Лигт ҳам ўрин олган эди. Шу сабабдан футболчи тўйдан сўнг яна жамоаси сафига қайтган.
Маълумот учун, 2024 йилги Европа чемпионати Германияда бўлиб ўтади. Турнир 14 июндан 14 июлга қадар давом этади. Гуруҳ босқичида биринчи ва иккинчи ўринни эгаллаган жамоалар ҳамда учинчи ўринни эгаллаган тўртта энг яхши жамоа 1/8 финалга йўл олади. Турнирнинг плей-офф босқичи Олимпия тизими бўйича (мағлуб бўлган жамоалар турнирни тарк этади) ўтказилади.
Изоҳ (0)