Футбол бўйича Ўзбекистон U-23 терма жамоаси 7 июнь, жума куни Малига қарши ўртоқлик ўйинида иштирок этди.
Учрашувнинг 23-дақиқасида Алишер Одилов ўзбекистонликларни ҳисобда олдинга олиб чиқди. Бўлим Тимур Кападзе шогирдларининг кичик устунлиги билан якунланди.
Иккинчи бўлимда меҳмонлар фаолликни оширди ва ҳисобни тенглаштиришга муваффақ бўлди. 62-дақиқада Бубакар Траоре ўз номини таблога ёздириб қўйди.
Қолган дақиқаларда дарвозалар ишғол этилмади ва учрашув 1:1 ҳисобидаги дуранг натижа билан якунланди.
Жамоалар 10 июнь куни яна бир марта ўртоқлик ўйинида ўзаро тўқнаш келади.
Ўртоқлик ўйини
7 июнь, жума
Ўзбекистон U-23 – Мали U-23 1:1
Голлар: 1:0 — 23 Алишер Одилов, 1:1 — 62 Траоре.
Ўзбекистон U-23: 12. Владимир Назаров, 2. Саидазамат Мирсаидов, 5. Муҳаммадқодир Ҳамралиев, 6. Иброҳимҳалил Йўлдошев, 10. Жасурбек Жалолиддинов, 11. Отабек Жўрақўзиев, 15. Умарали Раҳмоналиев, 18. Алибек Давронов. 19. Ҳусайн Норчаев, 22. Алишер Одилов, 23. Абдурауф Бўриев.
Мали U-23: 1. Умар Кулибали, 2. Фод Дукуре, 3. Диалло Ҳамиду, 4. Тункара Мамаду, 6. Сако Коли, 8. Траоре Бубакар, 10. Мамаду Сангаре, 12. Юсуф Бемба, 17. Аҳмад Диоманде, 20. Самак Уилсон, 21. Траоре Филй.
Огоҳлантиришлар: Мамаду Сангаре (6), Отабек Жўрақўзиев (38), Умарали Раҳмоналиев (42), Юсуф Бемба (45), Аҳмад Диоманде (76).
Изоҳ (0)