O‘zbekiston U-23 terma jamoasi Mali U-23 termasiga mag‘lub bo‘ldi

Futbol bo‘yicha O‘zbekiston U-23 terma jamoasi 10-iyun, dushanba kuni Maliga qarshi o‘rtoqlik o‘yinida ishtirok etdi.

Uchrashuvning birinchi bo‘limida darvozalar ishg‘ol etilmadi.

Ikkinchi bo‘lim boshida esa Mali hisobni ochdi. Diarra Tiamoko o‘z nomini tabloga yozdirib qo‘ydi. 58-daqiqada Husayn Norchayev hisobni tenglashtirdi. O‘yin oxirida esa Mali futbolchilari penalti ishlab oldi. 89-daqiqada Uilson Lassa penaltini aniq amalga oshirdi.

Qayd etib o‘tish joiz, o‘sha daqiqalarda Jasur Jaloliddinov qizil kartochka olib, maydonni tark etdi.

Uchrashuv 2:1 hisobida Malining g‘alabasi bilan yakunlandi. 

Terma jamoalar 7-iyunda ham o‘rtoqlik o‘yinida ishtirok etgandi. Ushbu o‘yinda 1:1 hisobi qayd etilgan.

O‘rtoqlik o‘yini

10-iyun, dushanba

O‘zbekiston U-23 – Mali U-23 1:2

Gollar: Tiamoko 48’, Norchayev 58’, Lassa 89’.

O‘zbekiston U-23: 12. Vladimir Nazarov, 2. Saidazamat Mirsaidov, 6. Ibrohimhalil Yo‘ldoshev, 10. Jasurbek Jaloliddinov, 11. Otabek Jo‘raqo‘ziyev, 15. Umarali Rahmonaliyev, 16. Asadbek Rahimjonov, 18. Alibek Davronov, 19. Husayn Norchayev, 22. Alisher Odilov, 23. Abdurauf Bo‘riyev.