NATO bosh kotibi Yens Stoltenberg alyansdagi ittifoqchilarning qarshiliklari tufayli Ukrainaga 100 milliard dollarlik besh yillik harbiy yordam fondini yaratish bo‘yicha ilgari taklif qilgan rejasidan voz kechdi, deya Bloomberg xabar berdi.
U yangi taklif bilan chiqqan, unga ko‘ra, ittifoqchilar Ukrainaga halokatli va noharbiy yordam uchun yiliga kamida 40 milliard yevro (43 milliard dollar) sarflash majburiyatini oladi, — deyiladi xabarda.
Nashrning ta’kidlashicha, taklif kelasi hafta Bryusselda NATO mudofaa vazirlari tomonidan qo‘llab-quvvatlanishi mumkin.
NATO har bir mamlakat uchun xayriya miqdorini ularning YIMga nisbati asosida belgilaydi. Shu bilan birga, yordamning taxminan yarmi AQSH tomonidan taqdim etiladi.
Yangi reja ittifoqchilar Ukrainaga nima berayotgani haqida oshkoralikni ta’minlashi, shuningdek, o‘z majburiyatlarini bajarmayotgan ittifoq a’zolariga yumshoq bosim o‘tkazishi kutilmoqda.
Biz hozirda yiliga 40 milliard dollar sarflayapmiz, ammo men ittifoqchilardan buni kelgusida ham davom ettirishlarini so‘rayapman. Biz hech bo‘lmaganda ushbu darajadagi yordamni qancha kerak bo‘lsa taqdim etib turishimiz kerak, — deydi Stoltenberg.
Izoh (0)