Германия канцлери Олаф Шольц Украина яқин 30 йил ичида НАТОга аъзо бўлмаслигини истисно қилмади. Бу ҳақда “РИА Новости” хабар берди.
Ечимларни биласиз, бу яқин келажакда кутилмаяпти, — деди Шольц фуқаролар билан суҳбатда.
НАТО Ҳарбий қўмитаси раҳбари Роб Бауер аввалроқ Украинанинг альянсга аъзо бўлиши масаласи ҳал қилинганини, бироқ бу қачон содир бўлиши ва бунинг учун нима кераклиги ҳақида мунозаралар давом этаётганини айтган.
2022 йил сентябрь ойи охирида Владимир Зеленский Украина тезлаштирилган асосда НАТОга аъзо бўлиш учун ариза бераётганини маълум қилган. НАТО бош котиби Йенс Столтенберг қуролли можаро пайтида Украинанинг альянсга тўлиқ аъзо бўлиши мумкин эмаслигини таъкидлаган.
АҚШнинг НАТОдаги доимий вакили Жулиан Смитга кўра, июль ойида Вашингтонда ўтказилиши режалаштирилган НАТО саммитида Украина асосий мавзу бўлади. Шу билан бирга, унинг аниқлик киритишича, Киев бўлажак саммитда НАТОга қўшилиши кутилмайди. Столтенберг ҳам бўлажак саммитда Украинанинг аъзолиги бўйича келишув йўқлигини айтган.
Изоҳ (0)