Бир неча ой давомида рус қўшинлари қурол ва ўқ-дорилар етишмаётган пайтда ҳужумларни қайтаришга мажбур бўлган Украина қўшинларига қарши фақат чекланган муваффақиятларга эришди, дея Bloomberg хабар берди.
Нашрга кўра, Харьков вилоятидаги ҳужумнинг биринчи ҳафтасида Россия армияси Украина вилоятининг 177 квадрат километрини, охирги ҳафтада эса атиги 20 квадрат километрни эгаллаб олган. Маълум бўлишича, Россия ҳужумидаги секинлашув Россия Мудофаа вазирлиги ҳисоботларида билвосита тасдиқланган.
Bloombergга кўра, ҳозир Россия армияси учун имкониятлар эшиги тораймоқда, чунки Киев Ғарб давлатлари, хусусан, АҚШ ваъда қилган қуролларни олади ва кучлар мувозанати ўзгармоқда. АҚШ Миллий хавфсизлик бўйича маслаҳатчи Жейк Салливан аввалроқ жанг майдонига кирган Америка қуроллари аллақачон вазиятни ўзгартирганини айтган.
Изоҳ (0)