Тошкент шаҳар Яшнобод туманида Captiva уриб юборган пиёда воқеа жойида ҳалок бўлди. Бу ҳақда ЙҲХБ хабар берди.
Унга кўра, ҳолат 8 июнь куни соат 00:10 ларда Яшнобод тумани “Дўстобод” МФЙ Султонали Машхадий кўчаси 216-уй қаршисида содир бўлган. 1983 йилда туғилган (эркак) К.С. Captiva русумли автомашинасини бошқариб кетаётиб, пиёда — 1985 йилда туғилган Э.Х.ни уриб юборган.
ЙТҲ оқибатида пиёда олган тан жароҳатлари натижасида воқеа жойида вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган. Тергов давом этмоқда.
Изоҳ (0)