Еврокомиссия Украинанинг ЕИга кириши бўйича музокараларни бошлашни тавсия қилмоқчи, дея Financial Times (FТ) хабар берди.
Нашр суҳбатдошларига кўра, Еврокомиссия Украина коррупцияга қарши чоралар, сиёсий лоббичиликни чеклаш, мансабдор шахсларнинг мулкини декларациялаш қоидалари ва тилларни ҳимоя қилиш билан боғлиқ мезонларга аллақачон жавоб берганини эълон қилмоқчи.
Еврокомиссия шу йўл билан, биринчи навбатда, Украинани қўллаб-қувватламоқчи ва Европа Иттифоқига раислик 1 июлда Венгрияга ўтгунга қадар тавсияларни айтишга ва Киев билан музокараларни бошлашга шошилмоқда, —дейилади хабарда.
Венгрия Украинанинг ЕИга қўшилиши бўйича музокаралар бошланишига эътироз билдириши кутилмоқда. Нашрга кўра, ҳозирда ЕИга раислик қилаётган Бельгия музокараларнинг биринчи босқичини 25 июнь куни ўтказмоқчи.
FТ Евроиттифоққа қўшилиш ниятини эълон қилган Украина бунинг учун зарур босқичларни жуда тез босиб ўтаётганини таъкидлаган.
Изоҳ (0)