Словакия бош вазири Роберт Фицо 15 май куни Гандлова шаҳрида бўлиб ўтган ҳукумат йиғилишидан кейин содир бўлган суиқасддан сўнг биринчи баёнот берди. Унинг видеомурожаати Facebookъдаги саҳифасида эълон қилинган.
Словакия ҳукумати раҳбари ўзига суиқасд уюштирмоқчи бўлган Юрай Синтулага нисбатан нафрат ҳис қилмаслигини айтди. Шунингдек, у июль ойининг бошигача ишга қайтишни режалаштираётганини таъкидлади.
“Мен учун биринчи қадамни қўйиш вақти келди ва бу — кечирим. Мени отган нотаниш одамдан нафратланмайман. Мен унга нисбатан ҳеч қандай қонуний чора кўрмайман ва ҳеч қандай зарарни ундирмайман... Мен уни кечираман ва нима қилганини, нима учун қилганини ўзи англашига рухсат бераман. Охир оқибат, у шунчаки ёвузлик ва сиёсий нафратнинг қурбони бўлгани кўриниб турибди”, — дея таъкидлади бош вазир.
“Агар ҳамма нарса режа бўйича кетса, июль ойи бошида аста-секин ишга қайтишим мумкин”, — дея қўшимча қилди у.
Изоҳ (0)