Қозоғистоннинг ташқи қарзи 24,9 триллион тенгени (салкам 55,6 миллиард доллар) ташкил этади. Бу ҳақда Олий ҳисоб палатаси раиси Алихон Смаилов парламент мажлисида маълумот берди.
Маълум қилинишича, сўнгги 10 йил ичида олинган кредитларга хизмат кўрсатиш харажатлари 2024-2025 йилларда энг юқори чўққига тўғри келади. 2024 йилда бюджет даромадларининг 28 фоизи давлат қарзини тўлаш ва унга хизмат кўрсатишга йўналтирилди. Қарзларни тўлиқ қоплаш учун бюджетни оптималлаштириш мақсадида макроиқтисодий ва бюджет параметрлари билан яқиндан ишлаш керак. Шу сабабли, Олий ҳисоб суди бюджет бўйича тавсияларни ишлаб чиққан.
Маълумот ўрнида, Ўзбекистоннинг давлат қарзи ўтган йил давомида 5,7 миллиард долларга кўпайиб, 34,9 миллиард долларга етди. давлат ташқи қарзи 2023 йилда 3,73 миллиардга ошиб, 29,64 миллиард долларни ташкил этган (ЯИМнинг 32,6 фоизи). Бу маблағнинг 23,91 миллиард доллари ҳукумат номидан жалб қилинган, 5,72 миллиард доллари эса Ўзбекистон томонидан кафолатланган.
Изоҳ (0)