Қирғизистон президенти Садир Жапаров мамлакатларни ва халқаро молия ташкилотларини республиканинг қарзидан кечиб, у ерда энергетика объектларини қуришни бошлашга чақирди.
«Қирғизистон қарз олган мамлакатлар ва молиявий институтлар республикада энергетика объектлари ва ГЭСлар қурилишида иштирок этса бўларди. Биз ушбу яшил иқтисодиёт объектларининг тасмаларини биргаликда кесамиз. Биз Қирғизистонда яшил лойиҳаларни биргаликда амалга оширамиз, бунинг эвазига сиз ташқи қарзларимиздан кечасиз», — деб ёзди у 8 январь, якшанба куни ўз Facebook’ида.
Унинг сўзларига кўра, ҳозирги пайтда республикада 50 га яқин кичик ва ўртача ГЭСлар қурилиши давом этмоқда. «Аммо бу ҳам етарли эмас. Бизда тайёр инвестиция лойиҳалари бор. Биз қуввати 1 дан 1000 МВт гача бўлган кичик ва ўрта ГЭСларни қуриш имкониятига эгамиз, дарё табақалари тайёр», — дея давом этди президент.
Айни пайтда Қирғизистоннинг ташқи қарзи 4,3 миллиард доллардан ошади. Унинг асосий кредиторлари — Хитойнинг «Эксимбанк»и, шунингдек, Осиё тараққиёт банки, Халқаро валюта жамғармаси ва Халқаро тараққиёт уюшмаси.
Изоҳ (0)