Украинанинг давлат ва давлат томонидан кафолатланган қарзи 2024 йил апрель ойида 86,17 миллиард гривнага ёки 0,47 миллиард долларга (эквивалентда) ошди. Бу ҳақда мамлакат Молия вазирлигига таяниб, “Корреспондент” хабар берди.
30 апрель ҳолатига кўра, давлат ва давлат томонидан кафолатланган қарз 6 010,42 миллиард гривнани ёки 151,52 миллиард долларни ташкил қилган.
Улар орасида:
- ташқи давлат ва давлат томонидан кафолатланган қарз 4 298,92 миллиард гривна (умумий сумманинг 71,52 фоизи) ёки 108,37 миллиард доллар;
- ички давлат ва давлат томонидан кафолатланган қарз 1 711,5 миллиард гривна (умумий сумманинг 28,48 фоизи) ёки 43,14 миллиард доллар.
Таъкидланишича, Украинанинг давлат қарзи 5 699,54 миллиард гривнани (143,68 млрд доллар) ташкил этган, шу жумладан, ташқи қарз 4 056,06 миллиард гривна (102,25 млрд доллар), ички қарз 1 643,48 миллиард гривна (41,43 млрд доллар). Давлат томонидан кафолатланган қарз эса 7,84 миллиард долларни ташкил этди: ташқи 6,12 миллиард ва ички 1,71 миллиард доллар.
Изоҳ (0)