Германия ҳукумати мамлакат мудофаа салоҳиятини кучайтириш учун қўшимча 20 та Eurofighter қирувчи самолётларига буюртма берди. Бу ҳақда Германия канцлери Олаф Шольц эълон қилган баёнотга асосланиб, Тҳе Defense Пост манбаси хабар берди.
Манбада айтилишича, ҳукумат Airbus компаниясига аллақачон буюртма берган. Ҳарбий харид ҳақидаги қарор Мудофаа вазирлиги тавсиясидан сўнг ишлаб чиқилган.
Канцлер Олаф Шольц Берлиндаги Халқаро ҳаво кўргазмасида ушбу борадаги махсус баёнотни эълон қилган. Қирувчи самолётлар 2025 йилда Германияда ўтказиладиган умумий сайловларга қадар Мудофаа вазирлигига топширилиши айтилган.
Германия расмийлари 2020 йилда ҳам 38 та Eurofighter қирувчи самолётларига буюртма берган. Ушбу буюртмадан мақсад эски намунадаги Торнадо самолётларини янги кўринишдаги қирувчилар билан алмаштириш бўлган.
2023 йилда Германия ҳукумати Европа шарқида авж олган Россия ва Украина уруши фонида махсус мудофаа бюжети эълон қилган эди. Ушбу бюджет 100 миллиард евро (109 миллиард доллар) ҳажмида бўлиб, мудофаани кучайтириш учун илғор ҳарбий техника сотиб олишни кўзда тутади. Ушбу бюджет лойиҳаси қабул қилиниши ортидан Берлин ҳукуматида ҳарбий соҳага диққат-эътибор кучайиб кетгани айтилган.
Олдинроқ НАТО иттифоқчилари, шу жумладан Қўшма Штатлар мудофаа харажатларида ортда қолаётгани учун Германияни танқид остига олган эди. Мамлакат канцлери Олаф Шольц 2024 йилдан бошлаб ЯИМнинг икки фоизини ташкил этувчи НАТО ҳарбий бюджети бўйича йиллик режани бажаришга ваъда берган эди.
Изоҳ (0)