Украина фронт чизиғини Россия армиясидан ҳимоя қилиш учун камида 60 та қирувчи самолётга муҳтож. Бу ҳақда Украина президенти офиси тарқатган хабарга асосланиб, “ТАСС” нашри хабар берди.
Қирувчи самолётларни олишга зарурат ҳақида Украина президенти офиси раҳбари маслаҳатчиси Михаил Подоляк маълум қилган. Мудофаа учун камида 60 та қирувчи самолётлар зарурлиги хабар қилинган.
Украина расмийси ,шунингдек, шарқдаги фронт чизиғида ва ,шунингдек, бутун мамлакат чегара ҳудудида назоратни кучайтириш учун 100-120 та жанговар самолёт талаб этилиши мумкинлигини билдирган. Ушбу маълумотни Михаил Подоляк Bloomberg агентлигига берган интервьюсида айтиб ўтган.
“Ҳозирда Киевга фронт чизиғини тўлиқ қоплаш учун камида 60 та Ғарб қирувчи самолёти керак. Алоқа чизиғи узунлиги ва жанглар интенсивлашувини инобатга олсак, 100-120 та шундай самолёт талаб этилиши ҳам мумкин”, — деган Подоляк.
Аввалроқ Украина ва Бельгия 2028 йилгача Киевга 30 та Ф-16 қирувчи самолётларини етказиб беришни кўзда тутувчи келишувни имзолаган эди. Бир қатор бошқа Европа давлатлари ҳам айрим самолётларни Киевга топшириш ҳақида қарор лойиҳалари тайёрлаган. Аммо қайси давлат қанча миқдорда қирувчи самолёт юбориши қачон юбориши борасидаги саволлар очиқ қолмоқда.
Украина, шунингдек, ҳаво мудофаасини кучайтириши мумкин бўлган еттита қўшимча Патриот ҳаво мудофаа тизимини сўраган. Аммо ҳозирча фақат Германия битта шундай тизимни тақдим этишга ваъда берган.
Изоҳ (0)