Ташқи ишлар вазири Бахтиёр Саидов бугун, 5 июнь куни БМТнинг Ўзбекистондаги доимий координатори этиб тайинланган Сабине Маҳлни қабул қилди.
Таъкидланишича, сўнгги пайтларда БМТ Бош Ассамблеяси Ўзбекистон ташаббуси билан ишлаб чиқилган 9 та, жумладан 2024 йилнинг ўтган даврида 3 та резолюсияни қабул қилди. Ўзбекистон Ташқи ишлар вазирлиги БМТнинг Ўзбекистондаги ваколатхонаси жамоасига барча зарур ёрдамни кўрсатишга тайёр.
“БМТнинг Ўзбекистондаги доимий координатори этиб тайинланган Сабине Маҳл хоним билан учрашишдан мамнунмиз. “Ўзбекистон – 2030” стратегияси Барқарор ривожланиш мақсадларига тўлиқ мос келишини алоҳида таъкидладик. Ўзбекистон Ҳукумати БМТ ва унинг тузилмалари билан кенг кўламли ҳамкорлик дастурига эга. Бизнинг яқин муносабатларимиз барча соҳаларда юқори суръатни намоён этмоқда. Таъкидлаш жоизки, сўнгги пайтларда БМТ Бош Ассамблеяси Ўзбекистон ташаббуси билан ишлаб чиқилган 9 та, жумладан 2024 йилнинг ўтган даврида 3 та резолюсияни қабул қилди. Ўзбекистон Ташқи ишлар вазирлиги БМТнинг Ўзбекистондаги ваколатхонаси жамоасига барча зарур ёрдамни кўрсатишга тайёр”, — деб ёзди Бахтиёр Саидов.
Тажрибали австриялик халқаро дипломат Сабине Маҳл 2022-2023 йилларда БМТнинг Ўзбекистондаги миссиясига раҳбарлик қилган Роли Астхана ўрнига тайинланди.
Изоҳ (0)