Машҳурларнинг сўнгги йилларда шахсий ҳаётидаги шов-шувлар кино сюжетига асос бўлган юқори даражадаги ҳужжатли фильмлар ҳақида гаплашамиз.
Мадонна
Мадонна ҳақида бир нечта ҳужжатли фильмлар суратга олинган, аммо бадиий фильмлар олинмаганди. Хонанда 2020 йилда у ўзи ҳақида фильм ишлаш учун сценарий муаллифи Диабло Коди билан ҳамкорлик қилади. Фильмга ўзи режиссёрлик қилмоқчи бўлади. Аммо суратга олиш жараёнлари чўзилиб кетади: хонанда гастрол сафари у учун муҳимроқ деган қарорга келади.
Қўшиқчи ҳақидаги сўнгги ҳужжатли фильм “Мадонна: Афсонанинг туғилиши” деб номланади.
Бритни Спирс
Хонанда кўп йиллар давомида отасини судга бериб, унга нисбатан васийликни бекор қилишни талаб қилди. Золим ота-онанинг даҳшатли чекловлари ва чидаб бўлмас яшаш шароитларини мунтазам равишда эълон қилиб, эркинликни талаб қила бошлади. Бритни ўз мақсадига эришди. Васийликдан чиқишидан бир оз олдин “Бритни жаноб Спирсга қарши” ҳужжатли фильми чиқди. Фильм муаллифларнинг таъкидлашича, 2010 йилларда қизнинг тўсатдан медиа майдонидан ғойиб бўлиши ижоддан чарчаганлиги билан боғлиқ эмас — бу отаси Жейми Спирснинг олдиндан режалаштирилган режаси бўлган.
Жастин Бибер
Мусиқачи умрининг ярмидан кўпини катта шоу-бизнесда ўтказди ва у ҳақида аллақачон иккита ҳужжатли фильм суратга олинган. Биринчиси, “Жастин Бибер: Ҳеч қачон ҳеч қачон дема”17 ёшга тўлишидан бир оз олдин чиққан. Ўша пайтда ўсмирларнинг муваффақият тарихи унчалик қадрланмаган: фильм рейтинги пастлаб кетганди. Кейинги клиплари эса дислайкларга нишон бўлди.
Уч йил олдин “Фасллар” серияли чиқди, унда Бибернинг шон-шуҳрати, чарчаши, тушкунлик пайти, қувончи, карьераси — умуман олганда, ҳаёти ҳақида ҳикоя қилинади.
Жонни Депп ва Эмбер Хёрд
Эмма Купернинг “Депп Хёрдга қарши” номли уч қисмли фильмида шов-шувли янгилик топиб бўлмайди: барча фактлар у ёки бу тарзда янгиликларда аллақачон чиқиб бўлган. Лекин ҳамма нарсани бир жойга жамлаш ва умумлаштириш ҳам катта меҳнат.
Ким Кардашян ва Кане Уэст
“Kim vs Kanye: Ажрашиш” ҳужжатли фильм муаллифлари жуфтликни қирол оиласига қиёслайди — уларнинг никоҳи жуда мустаҳкам туюларди. Фильмда юлдузларнинг севгиси қандай бошлангани, никоҳи қандай ривожлангани ва унинг бузилишига нима сабаб бўлганлиги тасвирланган. Турли хил версиялар тақдим этилади. Албатта, бош қаҳрамонлар ҳам ўз қарашлари билан ўртоқлашди: ҳар бирининг ўз ҳақиқати бор.
Изоҳ (0)