Португалия ҳукумати мамлакатга кириш ва яшашни хоҳловчи аксарият хорижликлар учун иш визаси талаб қилиб, иммиграция қоидаларини кучайтиришни режалаштирмоқда. Бу ҳақда Bloomberg хабар берди.
Маълум бўлишича, шу пайтгача Португалияга сайёҳлик визаси билан кириб, иш топган хориж фуқароси яшаш учун рухсатнома олиши мумкин бўлган.
Режалаштирилган янги талабларни ҳисобга олган ҳолда, мамлакатда ишлашни хоҳловчи ко֥ъпчилик хорижликлар келишидан олдин Португалия консуллигига иш визаси олиш учун мурожаат қилишлари керак, — деди президент ишлари бўйича вазир Антонио Амаро.
Шунингдек, у Португалияга тартибга солинган иммиграция зарурлигини қўшимча қилган.
Ҳукумат ҳисоботига кўра, Португалияда чет эл фуқаролари сони 33 фоизга ўсиб, 2023 йилда рекорд — бир миллионга етган. Бу мамлакат умумий аҳолисининг қарийб 10 фоизини ташкил қилади.
Португалия ҳукумати чегара назоратини кучайтириш, 400 мингдан ортиқ виза аризаларини кўриб чиқиш учун ишчи гуруҳ яратиш ва оғир шароитларда яшаётган муҳожирларнинг зудлик билан эҳтиёжларини қондиришга ёрдам берадиган марказларга сармоя киритишни режалаштирмоқда, — дея қўшимча қилган португалиялик вазир.
Изоҳ (0)