Португалия президенти Марселу Ребелу де Соуза коррупция можароси туфайли бош вазир Антониу Коштанинг истеъфога чиқиши туфайли ҳукуматни тарқатиб юборди. Бу ҳақда Португалия президенти матбуот хизмати хабар берди.
Ҳукуматни истеъфога чиқариш ҳақидаги қарор 8 декабрь, жума куни кучга кирди. Амалдаги ҳукумат янги вазирлар маҳкамасини шакллантириш устида ишлашни давом эттиради. Бироқ унинг ваколатлари “жамоат ишларини таъминлаш учун қатъий зарур бўлган ҳаракатлар” билан чекланади.
Президентнинг қарори Кошта 7 ноябрь куни коррупция можароси туфайли истеъфога чиққанини эълон қилганидан кейин қабул қилинди. Португалия полицияси 40 дан ортиқ тинтув ўтказди, жумладан, Вазирлар Маҳкамаси раҳбарининг расмий қароргоҳида ва иккита вазирликда. Бир неча киши иш доирасида қўлга олинди, улар орасида бош вазир маъмурияти раҳбари Vitoр Эшкариа ҳам бор.
Антонио Кошта литий конлари ва “яшил” водородни ўзлаштириш учун имтиёзлар бериш пайтида содир этилган қонунбузарликларни текшириш муносабати билан истеъфога чиққан.
Изоҳ (0)