АҚШ Миллий хавфсизлик агентлигида фаолият юритган кибермутахассис 29 апрель куни Москва фойдасига жосуслик қилишга уринишда айбланиб, 21 йиллик қамоқ жазосига ҳукм қилинди. Бу ҳақда АҚШ Адлия вазирлиги баёнотига асосланиб, The Moscow Times нашри хабар берди.
Манбада айтилишича, 32 ёшли Жаре Себастьян Далке 2022 йил июнь ойи охирида тўсатдан оилавий муаммолар сабаб ишдан бўшатилгунга қадар АҚШ ҳукуматининг Миллий разведка агентлигида тўрт ҳафтадан кўпроқ вақтдан бери ишлаётган эди. Фаолияти давомида у Россия томонига махфий ҳужжатларни узатгани аниқланган.
МХА да ишлаган ишлаган бир неча ҳафта давомида Далке ўта махфий ҳужжатларни кўчириб олишга эришган. Сўнгра уларни Россия агенти деб ҳисоблаган шахсга 85 000 долларга сотишни таклиф қилган.
Маълум бўлишича, ўзини рус жосуси деб таништирган шахс АҚШ ҳукумати разведка хизмати вакили бўлган. Унинг ёрдами билан Далке фош қилинган.
Колорадо-Спрингсдан бўлган Себастьян Далке октябрь ойида АҚШ округ судида миллий мудофаага оид махфий маълумотларни хорижий ҳукумат агентига узатишга уриниш билан боғлиқ олтита айбловни тан олган.
“Мамлакатимизни ҳимоя қилиш учун қасамёд қилган бу айбланувчи миллий хавфсизликка оид махфий маълумотларни Россия агентига сотаётганига ишонган, аслида эса ўзини Федерал қидирув бюросига топширган. Чиқарган ҳукмимиз ватанимизга хиёнат қилишни мақсад қилганлар жиноятлари учун жавоб беришларини кўрсатади”, — деган округ бош прокурори Меррик Гарланд.
Изоҳ (0)