Буюк Британия полицияси мамлакат парламенти депутатининг ёрдамчисини Хитой фойдасига жосуслик қилганликда гумон қилиб қўлга олди. Бу ҳақда The Times хабар берди.
Маълум қилинишича, унинг фаолияти доирасига ташқи сиёсат масалалари, жумладан, Пекин билан алоқалар киради. У бир мунча вақт Хитойда яшаган, ҳуқуқ-тартибот ходимлари у ёлланган бўлиши мумкинлигини айтмоқда.
Ҳибсга олинган шахснинг махфий маълумотларга кириш ҳуқуқига эга Консерватив партиянинг бир қатор юқори мартабали аъзолари билан алоқаси бўлган. Улар орасида ички ишлар вазирининг хавфсизлик бўйича ўринбосари Том Тугендхат ва Британия парламентининг ташқи ишлар қўмитаси раиси Алисия Керн ҳам бор.
Таъкидланишича, гумонланувчи 13 март куни ҳибсга олинган, бироқ у октябргача гаров эвазига қўйиб юборилган. Ўшанда ҳуқуқ-тартибот идоралари ходимлари иш тафсилотларини эълон қилмаган, фақат айбловлар давлат сирларини ошкор қилиш билан боғлиқлигини айтган. Исми ошкор қилинмаган яна бир гумондор ҳам қўлга олинган.
Тегишли ҳодиса бошқа давлат фаолияти туфайли хавфсизликнинг энг йирик бузилишларидан бирига айланиши мумкин.
Изоҳ (0)