Тошкент шаҳар Сергели туманида қарздорнинг Trailblazer'и хатланди. Бу ҳақда МИБ “Дарё”га хабар берди.
Унга кўра, Мажбурий ижро бюросининг Сергели туман бўлими иш юритувида қарздор "Г.Л.C." МЧЖдан ундирувчи давлат бюджети фойдасига солиқ қарздорликларини ундириш билан боғлиқ 27 та 1 миллиард 871 миллион 914 минг сўмлик ижро ишлари мавжуд.
Мазкур ижро ишлари бўйича қарздор корхонага бюджет олдидаги мавжуд қарздорликларини тўлаш борасида 15 кунлик ихтиёрий муддат берилган. Бироқ, қарздор корхонанинг мансабдор шахслари давлат ижрочисининг қонуний талабларини бажармаган.
Оқибатда, бюронинг туман бўлими давлат ижрочиси томонидан мажбурий ижро ҳаракатларига киришилиб, қарздорга тегишли бўлган Trailblazer автотранспорт воситаси мавжудлиги аниқанган ва ундирув мазкур автотранспорт воситасига қаратилган. Лекин қарздор Trailblazerни давлат ижрочисига далолатнома асосида топширишга қаршилик қилган.
Тошкент шаҳар ИИББ ЙҲХБ ходимлари билан ҳамкорликда олиб борилган қидирув ижро ҳаракатлари натижасида қарздорга тегишли бўлган машина йўлларда ҳаракат пайтида ушланиб, кейинги ижро ҳаракатларини амалга ошириш мақсадида автотранспорт воситаси хатланган. Вақтинча сақлаш учун жарима майдончасига жойлаштирилган.
Ҳозирда автотранспорт электрон-онлайн аукцион савдоларига чиқариш чоралари кўрилмоқда.
Изоҳ (0)