Фарғона вилояти Қўқон шаҳрида келин эрининг уйидан сепларини МИБ орқали ундириб олди. Бу ҳақда бюро ахборот хизмати “Дарё”га хабар берди.
Унга кўра, Мажбурий ижро бюроси Қўқон шаҳар бўлими иш юритувида фуқаролик ишлари бўйича Қўқон туманлараро судининг 2023 йилдаги ижро варақасига асосан жавобгар Д.М. томонидан даъвогар Н.С. фойдасига 7 турдаги мулкларни олиш белгиланган.
Жавобгарга бир неча маротаба огоҳлантириш берилган бўлса-да, суд қарорини ихтиёрий бажармагани сабабли мажбурий ижро ҳаракатлари давлат ижрочилари томонидан олиб борилди.
Натижада мажбурий ижро ҳаракатлари давомида даъвогарнинг мулклари давлат ижрочилари томонидан олиб берилди. Шунингдек, ижро ҳужжати “Суд ҳужжатлари ва бошқа орган ҳужжатларини ижро этиш тўғрисида”ги қонуннинг 41-моддасига асосан амалда тамомланди.
Изоҳ (0)