Бугунги қаҳрамонларимиз дунё кумирлари эди, уларнинг ўлими кўпчиликни ҳайратда қолдирган. Ҳозиргача ижтимоий тармоқларда уларнинг буюк асарлари, шунингдек, фотосуратлари эсга олинадиган фан-клублари мавжуд.
Робин Уильямс
Робин Уильямс “Энг яхши актёр” номинациясида “Оскар” мукофотига уч марта номзод бўлган; унинг олтита “Олтин глобус” мукофоти ва Шон-шараф хиёбонида юлдузи бор. Актёрнинг фильмографияси бой — 70 дан ортиқ лойиҳалар, жумладан, афсонавий “Жуманжи”, “Уйқусизлик”, “Музейдаги тун”, “Заковатли Уилл Ҳантинг” ва бошқалар.
Уильямс 2014 йилда 63 ёшида вафот этади. У узоқ муддатли депрессия, спиртли ичимликларга қарамлик билан курашади. Актёр деменциядан азият чекади, аммо бу ташхис вафотидан кейингина қўйилган. Расмий версияга кўра, актёр руҳий тушкунликка дош бера олмагани учун бўғилиб, ўз жонига қасд қилган.
Хит Лежер
2008 йил 22 январда 29 ёшли кино юлдузи вафот этгани ҳақидаги хабар мухлисларни ҳайратда қолдиради. Кейинчалик маълум бўлишича, Хитнинг қонида кўплаб дорилар, жумладан, оғриқ қолдирувчи воситалар, уйқу таблеткалари ва транквилизаторлар топилган — актёр буларнинг барчасини шифокор буюрганидек қабул қилган, аммо уйқусидаги муаммолар туфайли у нормадан ошиб кетган.
Юлдузнинг ўлими “Қора рицар” фильмини суратга олиш билан ҳам боғланади, фильм сабаб актёр биполяр бузилишга чалинган: қаҳрамонини ўрганиш учун Хит 43 кунни мотелда ёлғиз ўтказади. Жокернинг хатти-ҳаракатларини кундаликка ёзиб бориш ва қаҳрамоннинг юз ифодаларини яхшироқ етказиш учун А Clockwork Orange фильмидаги Алекс Деларжнинг хатти-ҳаракатларига тақлид қилган.
Хитнинг отаси Ким ўғли ҳар доим ўз ишига муккасидан кетганини, аммо “Қора рицар”да буни ҳаддан ташқари ошириб юборганини таъкидлайди. Қўшма Штатлардаги фильм премьераси 2008 йил 18 июлда бўлиб ўтади ва кичик Лежер бу роли учун вафотидан кейин “Оскар” билан тақдирланади. Актёрнинг ўлимидан сўнг экранларга чиққан иккинчи асари “Доктор Парнаснинг хаёлоти” картинаси эди.
Бриттани Мерфи
Малласоч жигарранг кўзли қиз “Шаҳарлик қизлар”, “Бемаънилар”, “Гуноҳлар шаҳри”, “Ёш келин-куёв”, “Кичкина қора китоб” ва бошқа фильмларда суратга тушиб, 60 дан ортиқ асарларда рол ўйнаган. Бриттани 2009 йилнинг қишида 32 ёшида вафот этди. Ҳозиргача юлдузнинг ўлими сабаби тўлиқ ошкор этилмаган, аммо расмий версияда пневмония, шунингдек, гиёҳванд моддаларнинг ҳаддан ташқари дозаси ва камқонлик сабаб сифатида келтирилади. Ўша куни қиз ювиниш хонасидан топилган.
Уч ой ўтгач, унинг эри, режиссёр Саймон Монжак ҳам худди шу квартирада ўлик ҳолда топилган. Сабаблари Мерфи билан бир хил. Соғлиқни сақлаш вазирлиги эр-хотин уй шароитида замбуруғ юқтирган бўлиши мумкинлигини истисно қилмайди, бу эса уларнинг ўлимига олиб келган бўлиши мумкин. Мерфининг ўлимидан сўнг у иштирок этган иккита фильм экранларга чиқади.
Пол Уокер
Брайан O’Коннор ролини ўйнаган “Форсаж” фильмлари юлдузи жанговар фильмнинг еттинчи қисмини суратга олиш вақтида автоҳалокатда вафот этади. Пол дўсти Рожер Родас билан Reach Out Worldwide тадбиридан уйга қайтаётганда устун ва дарахтга бориб урилган. Натижада машина ёниб кетади, Уокер ва Родас воқеа жойида вафот этади.
Брендон Ли
Брендон Ли — кино актёр ва жанг санъати устаси Брюс Лининг ўғли, у отасининг изидан бориб, фильмларда рол ўйнаган. У “Лазер операцияси”, “Токиодаги кичик муштлашув”, “Довул остида” фильмларида асосий ролларни ижро этади. Аммо ҳақиқий муваффақият унга вафотидан кейин “Қузғун” фильми экранларга чиққач келади — Брендон суратга олиш майдончасида вафот этади.
Гап шундаки, сюжетга кўра, унинг қаҳрамони Эрик Дравен отиб ўлдирилиши керак эди, аммо нимадир хато кетиб, хавфсиз тўппонча отилиб кетади — ўқ Лининг ошқозонини тешиб ўтади. Маълум бўлишича, қуролнинг винти тиқилиб қолган ва “холостой” отилганда ўқ чиқиб кетиб, Лини ўлдирган.
Шифокорлар 28 ёшли йигитнинг ҳаёти учун 12 соат давомида курашади, аммо ҳеч нарса натижа бермайди — у қон йўқотишдан вафот этади. Фожиа актёрнинг никоҳидан 18 кун олдин содир бўлади. Режиссёрлар “Қузғун” фильмини Брендонга бағишлаган. Ролни компьютер графикасидан фойдаланган ҳолда дублёр якунига етказиб қўйган.
Изоҳ (0)