Хави Жанубий Корея термасидан таклиф олди. Бу ҳақда АS нашри хабар бермоқда.
Ўтган ҳафтада “Барселона” бош мураббий билан ҳамкорликни тўхтатганини эълон қилди.
Январь ойида Хави жамоани тарк этиш қарорини эълон қилгач, унинг хизматларига “Аякс” қизиқиш билдирган. “Барса”нинг собиқ спорт директори Жорди Кройфф мураббий билан боғланди, бироқ Хавини ишонтира олмади.
Испаниялик мутахассис Жанубий Корея терма жамоасини бошқариш таклифини ҳам рад этди, деб хабар беради АS. Унга 2026 йилги Жаҳон чемпионатида жамоани бошқариш таклиф қилинган.
“Милан” ва “Манчестер Юнайтед” ҳам Хавини таклиф қилиш имкониятини кўриб чиқди, бироқ клублар бу борада фаол чоралар кўрмади.
“Барселона”нинг собиқ мураббийи келгуси йил дам олишни истамоқда, шунинг учун у фаолиятини қаерда бошлаши ҳақида жиддий ўйлаб кўраётгани йўқ.
Изоҳ (0)