Исроил кучлари 30 май куни Ғазо шимолидаги Бейт Ханун ҳудудига ҳужум қилиши оқибатида камида 9 нафар фаластинлик ҳалок бўлди. Бу ҳақда Al Jazeera нашри хабар берди.
Манбада айтилишича, Исроил Ғазо шимолида янги ҳаво ва қуруқлик ҳужумларини ташкил этган. Воқеа ҳақида Ғазода бўлиб турган Al Jazeera мухбирлари хабар берган.
Аскарлар Бейт Ханундаги турар-жой биноларини ўққа тутган. Ҳозирга қадар 9 киши вафот этгани айтилган. Ҳодиса оқибатида жароҳатланганлар сони номаълум.
Манбага кўра, Исроил Ғазо шаҳри ғарбидаги Шати лагерида ҳам ҳужум содир этган. Ушбу ҳудудда яшаётган кўчирилган фаластинликлар лагерни фавқулодда тез тарк этган. Сўнгги марта Шати лагерида 20 кун олдин ҳарбий ҳаракатлар кузатилган эди.
Al Jazeera Тель-Авив кучлари Ғазо шимолидаги Жабалияда ҳам ҳужум содир этганини ёзган. Сўнгги 24 соатда Жабалия теварагида юз берган портлашлар оқибатида камида 50 киши ҳалок бўлгани айтилган. Бироқ ҳозирча ушбу маълумот тасдиқланмаган.
Изоҳ (0)