Ғазо секторида Исроил томонидан амалга оширилган ҳарбий амалиётлар оқибатида камида 723 нафар соғлиқни сақлаш ходими ҳалок бўлган. Бу ҳақда Жаҳон соғлиқни сақлаш ташкилоти ҳисоботига асосланиб, Al Jazeera нашри хабар берди.
Манбада айтилишича, Исроил Ғазодаги соғлиқни сақлаш муассасаларига операция бошидан бери камида 450 та ҳужум уюштирган. Бунинг оқибатида 723 нафар тиббиёт ходими ҳалок бўлган.
Расмийлар жароҳатланган тиббиёт ходимлари сони камида 924 нафар атрофида эканини билдиришган. 100 дан ортиқ тиббиёт ходими эса бедарак йўқолган деб ҳисобланади.
Бирлашган Миллатлар Ташкилоти хабар беришича, ҳужумлар анклавнинг соғлиқни сақлаш тизимини буткул издан чиқарган. Ҳозирда Ғазодаги шифохоналарининг ҳеч бири тўлиқ қувват билан ишламаяпти.
Шу билан бирга, Ғазода аҳолининг ҳаддан ташқари кўплиги ва санитария шароитлари йўқлиги сабабли юқумли касалликлар ҳар қачонгидан ҳам тез тарқалмоқда. Жаҳон соғлиқни сақлаш ташкилоти Ғазодаги гуманитар инқироз шароитида қарийб 1,5 миллионга яқин фаластинлик сувчечак ва гепатит инфекцияси билан зарарланганини маълум қилган.
Изоҳ (0)