“Байер Леверкузен” 2024—2025 йилги Чемпионлар Лигасида иштироки олдидан ярим ҳимоясини кучайтириш учун “Жирона” клуби футболчиси Алеш Гарсия билан боғланган. Бу ҳақда журналист ва инсайдер Фабрицио Романо хабар берди.
Манбага кўра, томонлар ўртасида ҳозирча ҳеч қандай келишув йўқ, аммо Гарсия “Байер” трансферлар рўйхатининг юқорисидан жой олган. Футболчини жамоа бош мураббийи Хаби Алонсо талаб қилмоқда, у кейинги мавсумда асосий эътиборини еврокубокларга қаратади ва футболчи бу борада мураббийга ёрдам бера олишига ишонади.
Эслатиб ўтамиз, “Барселона” клуби ҳам Алеша Гарсияга қизиқаётган эди. Клуб футболчига январь ойида таклиф билан чиққан, бироқ ҳозирча янги музокаралар ўтказилмаган. Шахсан Хави футболчини жамоага олиб келишга ҳаракат қилган, бироқ Ханс-Дитер Флик бош мураббий этиб тайинланиши мумкинлиги сабабли Гарсияга қизиқиш сусайиши мумкин.
- Гарсия “Жирона”да 2021 йилдан бери ўйнаб келмоқда. Жорий мавсумда ярим ҳимоячи барча турнирларда 40 та ўйин ўтказиб, 3 та гол ва 6 та голли узатмани амалга оширди.
- Футболчининг амалдаги клуби билан шартномаси 2026 йилнинг июнь ойи охиригача амал қилади.
- Transfermarkt интернет порталига кўра футболчининг тахминий нархи 25 миллион еврони ташкил қилади.
Изоҳ (0)