“Bayer Leverkuzen” 2024—2025-yilgi Chempionlar Ligasida ishtiroki oldidan yarim himoyasini kuchaytirish uchun “Jirona” klubi futbolchisi Alesh Garsiya bilan bog‘langan. Bu haqda jurnalist va insayder Fabritsio Romano xabar berdi.
Manbaga ko‘ra, tomonlar o‘rtasida hozircha hech qanday kelishuv yo‘q, ammo Garsiya “Bayer” transferlar ro‘yxatining yuqorisidan joy olgan. Futbolchini jamoa bosh murabbiyi Xabi Alonso talab qilmoqda, u keyingi mavsumda asosiy e’tiborini yevrokuboklarga qaratadi va futbolchi bu borada murabbiyga yordam bera olishiga ishonadi.
Eslatib o‘tamiz, “Barselona” klubi ham Alesha Garsiyaga qiziqayotgan edi. Klub futbolchiga yanvar oyida taklif bilan chiqqan, biroq hozircha yangi muzokaralar o‘tkazilmagan. Shaxsan Xavi futbolchini jamoaga olib kelishga harakat qilgan, biroq Xans-Diter Flik bosh murabbiy etib tayinlanishi mumkinligi sababli Garsiyaga qiziqish susayishi mumkin.
- Garsiya “Jirona”da 2021-yildan beri o‘ynab kelmoqda. Joriy mavsumda yarim himoyachi barcha turnirlarda 40 ta o‘yin o‘tkazib, 3 ta gol va 6 ta golli uzatmani amalga oshirdi.
- Futbolchining amaldagi klubi bilan shartnomasi 2026-yilning iyun oyi oxirigacha amal qiladi.
- Transfermarkt internet portaliga ko‘ra futbolchining taxminiy narxi 25 million yevroni tashkil qiladi.
Izoh (0)