Forbes талқини бўйича дунёнинг энг қиммат футбол клублари рейтинги эълон қилинди

Forbes журнали дунёнинг энг қиммат 30 футбол клуби рейтингини эълон қилди.

Ушбу рейтинг ва футбол клубларининг қиймати нашрнинг ўзига хос методологияси ёрдамида ҳисоблаб чиқилган. Европа жамоалари учун берилган даромад кўрсаткичлари 2022—2023 йилги мавсум учун тегишли.

Дунёнинг энг қиммат 30 та футбол жамоасининг ўртача қиймати 2,3 миллиард долларни ташкил этади, бу ўтган йилга нисбатан 5,1 фоизга кўп. Энг яхши 30 та жамоанинг даромади ўртача 397 миллион долларни ташкил этади, бу кўрсаткич ҳам ўтган йилга нисбатан 3 фоизга кўп.

Дунёнинг энг қиммат клуби — “Реал Мадрид”. Унинг қиймати 6,6 миллиард долларни ташкил этган. Клуб даромади (футбол жамоасининг трансляциялар, реклама ва ўйин куни тушган даромад) 873 миллион долларни, операцион фойда (фоизлар, солиқлар, амортизация, ўйинчилар савдосидан олдинги даромад) 76 миллион долларни ташкил этди.

Иккинчи ўринда “Манчестер Юнайтед” жойлашган. Нархи: 6,55 миллиард доллар, даромад: 785 миллион доллар, соф фойда: 187 миллион доллар.

Рейтингнинг энг яхши учлигини “Барселона” якунлаб турибди, унинг қиймати 5,6 миллиард долларни ташкил этган, клубнинг даромади эса 840 миллион еврони ташкил этади, клубнинг операцион даромади эса минус 145 миллион евро.

Рейтингнинг кучли ўнталигига, шунингдек, “Ливерпуль”, “Манчестер Сити”, “Бавария”, “ПСЖ”, “Тоттенхем”, “Челси” ва “Арсенал” ҳам кирган. Улар мос равишда тўртинчидан 10-ўрингача бўлган ўринларни эгаллади.