Хави мавсум якунлангач, “Барселона”ни тарк этади.
Бу ҳақида клуб расмий сайти хабар бермоқда.
Эслатиб ўтамиз, 28 январда Хави мавсум охирида “Барселона” мураббийлик постини тарк этишини таъкидлаганди. Кейинчалик бир неча бор бу қарорини ўзгартирмаслигини ҳам айтиб ўтганди. Бироқ раҳбарият апрель ойида испаниялик мутахассисни жамоада қолдиришга кўндирганди. Яна вазият ўзгариб, клуб мураббий билан ҳамкорликни тўхтатди.
Хави “Барселона”ни 2021 йилнинг ноябридан бери бошқариб келаётган эди. Унинг қўл остида жамоа Испания чемпионати ва мамлакат Суперкубогини қўлга киритди.
Айни дамда “Барселона” Ла Лига жадвалида 2-ўринни эгаллаб турибди. Чемпионатдаги сўнгги ўйин 26 май куни “Севилья”га қарши бўлиб ўтади. Бу Хави учун жамоа бош мураббийлигидаги сўнгги ўйин бўлади.
Изоҳ (0)