Тайван парламентида депутатлар иштирокида муштлашув содир бўлди. Можарога қонун чиқарувчи органнинг ислоҳ қилинишига оид янги лойиҳа сабаб бўлган. Бу ҳақда Taiwan News хабар берди.
Гоминданнинг асосий мухолифат партияси ҳукумат устидан назорат ўрнатиш мақсадида парламентга катта ваколатлар беришни таклиф қилган. Бу парламентда ёлғон баёнот берган мансабдор шахсларни жиноий жавобгарликка тортишни назарда тутади. Тегишли таклиф Лайнинг (сайланган президент) Демократик прогрессив партияси томонидан “ҳокимиятни конституцияга зид равишда суиистеъмол қилиш” сифатида рад этилган.
Депутатлардан бири қонун лойиҳаси матнини олиб, залдан қочиб кетган, у лойиҳа ҳозирги кўринишда қабул қилинишини хоҳламаган. Демократлар амалдорларни жиноий жавобгарликка тортишга қарши чиқмоқда.
Оқибатда йиғилишда депутатлар тан жароҳати олган. Улардан бири залдан замбилда олиб чиқиб, шифохонага олиб кетилган. Лай Цинде январь ойида бўлиб ўтган президентлик сайловларида ғалаба қозонган бўлса-да, унинг партияси 113 ўринли парламентда мутлақ кўпчиликни қўлга кирита олмади.
Кўпинча “ёрқин демократия” деб аталадиган Тайван парламентдаги мушлашувлар бой тарихига эга. 2020 йилда Гоминданнинг қонун чиқарувчилари бош вазир Су Сзен-чанга чўчқа гўшти солинган челаклар улоқтирганди, ҳодиса АҚШга чўчқа гўшти импортини юмшатиш борасидаги муҳокамаларда юз берган.
Изоҳ (0)