Германия Мудофаа вазирлиги Украинага ҳарбий ёрдам учун қўшимча 3,8 миллиард евро зарурлигини маълум қилди. Бу ҳақда тегишли манбаларга таяниб, Deutsche Welle хабар берди.
Ҳукумат томонидан бу йил ажратилган 7,1 миллиард евро деярли тўлиқ режалаштирилган ва Киев учун янги қурол-яроғларни сотиб олиш учун атиги 300 миллион евро қолган. Қайд этилишича, Украинани қўллаб-қувватлаш учун қўшимча маблағ ажратиш сўрови июнь ойида тасдиқлаш учун парламентга киритилиши керак.
Маълумотларга кўра, Германия Молия вазирлиги мудофаа вазирлиги сўровини норасмий маъқуллаган.
Германия Украина мудофаасини кучайтиришда муваффақиятсизликка учрамаслиги керак, агар иложи бўлса, биз бу йил қўшимча қурол-яроғларни етказиб беришимиз керак, — дейди Германия Молия вазирлигидаги манба.
Шунингдек, 2025 йилда Германия Мудофаа вазирлиги Киевга ёрдам бериш учун ҳукуматдан рекорд миқдорда 15 миллиард евро сўраши мумкинлиги айтилмоқда.
Германия Мудофаа вазирлигига кўра, Россия-Украина уруши бошланганидан то 2024 йилгача Германия Киевга 6 миллиард евролик ҳарбий ёрдам кўрсатган. Канцлер Олаф Шольц 13 май куни Берлиндан Киевга ҳарбий ёрдам 2024 йилда 7 миллиард евродан ортиқни ташкил этишини айтган.
Изоҳ (0)