Исроил Рафаҳда ҲАМАСнинг қолган батальонларига қарши ҳужум бошлаганидан бери 800 мингга яқин фаластинлик Рафаҳни тарк этишга мажбур бўлди. Бу ҳақда БМТнинг фаластинлик қочқинларга ёрдам кўрсатиш агентлиги (UNRWA) бош комиссари Филипп Лаззарини маълум қилди.
Лазаринига кўра, уйларини ташлаб кетаётган фаластинликлар ҳимоясиз қолмоқда ва Исроилнинг фаластинликлар Ғазодаги хавфсиз ҳудудларга кўчиб ўтиши мумкинлиги ҳақидаги даъволари ёлғон.
Ғазода хавфсиз ҳудудлар йўқ. Ҳеч бир жой хавфсиз эмас. Ҳеч ким хавфсиз эмас, — деб ёзади UNRWA раҳбари.
Лазарини, шунингдек, фаластинликлар қочаётган ҳудудларда фавқулодда гуманитар ёрдам кўрсатиш учун ҳатто “минимал шароитлар” йўқлигини қўшимча қилган. Ғазога олиб борадиган асосий ўтиш жойлари жанглар туфайли ёпиқ ёки хавфли бўлиб қолмоқда. UNRWA раҳбарининг сўзларига кўра, 6 майдан буён гуманитар ёрдам олиб кетаётган бор-йўғи 33 та юк машинаси йўлнинг жанубий қисмига етиб броган. У Ғазода ўт очишни тўхтатиш зарурлигини, вазиятнинг янада кучайиши тинч аҳоли ўртасида кўпроқ тартибсизликка олиб келишини таъкидлаган.
AFP нашри 18 май куни Ғазода фаол ҳарбий ҳаракатлар қайта бошлангани ҳақида хабар берди. Унга кўра, жанубдаги Рафаҳда ҳам, шимолий минтақада ҳам жанглар кетмоқда. Секторнинг жануби-шарқида сўнгги 24 соат ичида ўқ овозлари ва граната портлашлари қайта-қайта эшитилган.
Изоҳ (0)