Американинг Radia компанияси дунёдаги энг катта самолёт яратиш режаси билан ўртоқлашди. Гигант самолёт қайта тикланадиган энергия соҳасида инқилобий ўзгаришлар қилишга ваъда бермоқда. Бу ҳақда New Atlas хабар берди.
Узунлиги 108 метр бўлган Radia Windrunner жуда катта юкларни ташишга мўлжалланган, қанотлари кенглиги 80 метрга етади. Авиатехниканинг учувчилар кабинаси корпуснинг юқори қисмида жойлашади. Юк бўлимининг ҳажми 8200 куб метр, у 72 тоннагача юкларни, жумладан, шамол электр станцияси учун парраклар, турбина ташиши мумкин. Бундан ташқари, самолёт оғир ҳарбий техникани ташишда ҳам қўлланилиши кутилмоқда.
Windrunner 1800 метрлик нисбатан қисқа учиш-қўниш йўлагидан фойдаланишга мўлжалланган. Одатда кичикроқ йўловчи лайнери 30-110 фоиз узунроқ учиш-қўниш йўлагидан фойдаланади. Radia лойиҳа учун 104 миллион доллар йиғган, самолёт тўрт йил ичида қурилиб, синовдан ўтказилиши ва сертификатланиши кутилмоқда.
У қуруқликдаги шамол электр станциялари учун етказиб бера оладиган каттароқ турбиналар тоза энергия нархини 35 фоизга камайтиради.
Изоҳ (0)