“Ювентус” Массимилиано Аллегрини истеъфога чиқарди.
Corriere dello Sport нашрининг хабарига кўра, туринликлар раҳбарияти 56 ёшли мутахассис билан ҳамкорликни тўхтатди. Бу жамоа менежерларининг ўзаро суҳбатидан сўнг маълум бўлган. Лекин ҳали хабар клуб томонидан тасдиқланмади.
Маълум бўлишича, клуб раҳбариятига “Аталанта”га қарши Италия Кубоги финалидан кейинги (1:0) хатти-ҳаракатлари ёқмаган.
Эслатиб ўтамиз, Массимилиано Аллегри Италия Кубоги финалидан кейин журналистга таҳдид қилганди.
Аллегри 2021 йилдан буён “Ювентус”ни бошқариб келаяпти ва бу вақт мобайнида жамоа Италия Кубогида ғалаба қозонган.
Мураббий 2014 йилдан 2019 йилгача ҳам клубда ишлаган. Бу вақтда эса 5 марта Италия чемпионлиги, 4 марта Италия Кубоги, 2 марта Италия Суперкубогини қўлга киритган.
Изоҳ (0)