“Ювентус” бош мураббийи Массимилиано Аллегрига яна бир бор Саудия Арабистонидан таклиф келган.
Фабрицио Романонинг маълум қилишича, мутахассис “Ал-Ҳилол” томонидан юборилган яна бир таклифга рад жавобини берган. У Италия клубида ишлашда давом этишни маъқул кўрмоқда.
55 ёшли мураббийга икки йиллик шартнома ва йилига 20 миллион евро таклиф қилинган. Кейинчалик бу таклиф 30 миллион еврогача кўтарилган, бироқ Аллегри бу таклифларга эътибор ҳам қаратмаган.
Эслатиб ўтамиз, Массимилиано Аллегри 2021 йилдан буён “Ювентус”ни бошқариб келмоқда. Жамоа билан бирга ўтган мавсум А Серияда 62 очко билан 7-ўринни эгаллади. Аллегри фаолияти давомида “СПАЛ”, “Гроссето”, “Удинезе”, “Сассуоло”, “Кальяри” ва “Милан” каби жамоаларда ишлаган.
Изоҳ (0)