Туриннинг “Ювентус” жамоаси Массимилиано Аллегрига ўринбосарлар топди.
Аллегрининг туринликлар билан амалдаги шартномаси 2025 йилгача мўлжалланган. Томонлар ҳали янги битимни муҳокама қилгани йўқ.
La Gazzetto dello Sport нашрининг хабарига кўра, мураббийнинг жамоадаги келажаги жорий мавсумдаги натижаларга боғлиқ. “Бьянконери” Италия Кубогини қўлга киритиш имкониятини сақлаб турибди.
Агарда Аллегри жамоани тарк этадиган бўлса, “Ювентус” унинг ўрнини босадиган мутахассислар рўйхатини тузиб чиққан. Ҳозирда “Болонья”ни бошқараётган Тяго Мотта, шунингдек, Винченсо Италяно (“Фиорентина”) ва Раффаэл Палладино (“Монца”) “Ювентус” бош мураббийлиги учун асосий номзодлар бўлиб турибди.
“Ювентус” А Серияда ортда қолган 29 турдан сўнг 59 очко билан 3-ўринни эгаллаб турибди.
Изоҳ (0)