Шу йилнинг 29 май куни Италия Ташқи ишлар ва халқаро ҳамкорлик вазири Антонио Тажани Марказий Осиёнинг бешта давлати — Қозоғистон, Ўзбекистон, Тожикистон, Қирғизистон ва Туркманистон ташқи ишлар вазирлари билан Римда учрашув ўтказади. Бу учрашув Европанинг, жумладан, Италиянинг Марказий Осиёга эътиборини тасдиқлайди, деб ёзмоқда Agenzia Nova.
"Италия тобора глобал сиёсий ва иқтисодий мувозанатлар марказида бўлган минтақа бўлган Марказий Осиёга эътибор қаратмоқда", — дейилади агентлик хабарида.
Agenzia Nova хабарига кўра, конференция учта ишчи сессия ва ялпи мажлисга бўлинган бўлиб, унда юқорида таъкидланганидек, Тажанидан ташқари Марказий Осиёнинг беш мамлакати ташқи ишлар вазирлари иштирок этади.
Европа давлатларидан биринчи бўлиб Италия шу тариқа “1+5” форматини қайтадан йўлга қўяди: бундай турдаги сўнгги учрашув Ўзбекистон пойтахти Тошкент шаҳрида 2021 йил декабрида бўлиб ўтган, ўшанда Европа Кенгаши вазирлар қўмитаси раҳбари Луиджи Ди Майо эди.
Конференцияни ташкил этиш ўтган йилнинг январь ойида Бош вазир Гиоргиа Мелони ва Қозоғистон президенти Қосим-Жомарт Токаевнинг Римга ташрифи муносабати билан имзолаган келишувларнинг бир қисми ҳисобланади
Мазкур форматдаги кейинги конференция 2025 йил Қозоғистонда ўтказилиши кўзда тутилган.
Изоҳ (0)