Туркия ҳарбийлари 17 май куни Сурия ва Ироқ шимолида Курдистон ишчи партиясига алоқадор 7 нафар жангарини йўқ қилган. Бу ҳақда Туркия Миллий мудофаа вазирлиги хабарига асосланиб, Anadolu нашри хабар берди.
Хабарда айтилишича, жангарилар “Панжа-қилич” операцияси давомида йўқ қилинган. 4 нафар жангари Сурия шимолида ва яна 3 нафар шахс Ироқ шимолидаги ҳудудларда йўқ қилинган.
Миллий мудофаа вазирлиги жангарилар бевосита Курдистон ишчи партиясига алоқадор бўлганини билдирган. Сурия шимолидаги жангарилар “Фурот қалқони” махсус операцияси давомида йўқ қилингани айтилган.
Анқарадаги ҳукумат 2016 йилдан бери Сурия шимолида террорчилар коридорининг шаклланишига йўл қўймаслик ва аҳолининг тинч йўл билан уй-жойларига қайтишини таъминлаш мақсадида чегара ҳудуди бўйлаб аксилтеррор операцияларини ўтказиб келади. “Фурот қалқони” (2016), “Зайтун новдаси” (2018) ва “Тинчлик баҳори” (2019) операциялари ҳозирга қадар давом эттирилмоқда.
Маълумот ўрнида, Курдистон ишчи партияси 40 йилдан ортиқ вақтдан бери Туркия ва Яқин Шарқ ҳудудида террорчилик ҳужумлари ташкил этиб келади. Партия расман Туркия, АҚШ ва Европа Иттифоқи томонидан террорчи ташкилотлар рўйхатига киритилган. Партия уюштирган терактлар оқибатида умумий 40 минг нафардан ортиқ одам, жумладан, аёллар, болалар ва гўдаклар ҳалок бўлгани хабар қилинади.
Изоҳ (0)